Балалар және жасөспірімдер кітаптарының апталығы аясында кітапхана қызметкерлері Қ.Нұрғалиев атындағы №43 мектеп-лицейінің 5-сынып оқушыларына «Білім шайқасында жеңіске жет» тақырыбында кітап викторинасын өткізді. Шара барысында қатысушылар балалар жазушысы Сапарғали Бегалиннің «Ермектің алмасы» шығармасын талдап, алған ақпараттары негізінде «Алтын қақпа» ойынында білімдерін ортаға салды. Сондай-ақ, кітапхана қорындағы Б.Соқпақбаевтың шығармаларымен, әңгімелер, ертегілер, хикаяттар топтастырылған М.Гумеровтың «Бұл не керемет», С.Балғабаевтың «Қызыл сырнай», Б.Сарыбайдың «Ақтабан», Р.Сауытбайдың сиқырға толы тылсым Эллипсаһар мектебі туралы баяндалатын «Шоко әлемі» кітаптары оқуға ұсынылды.
