Кітапханада «Ғылым апталығы-2024» Қаныш Сәтбаевтың туғанына 125 жыл толуына арналды. Жоғары сынып оқушыларын ғалымның жеке өмірімен таныстыра отырып, Қазақстан жер қойнауындағы пайдалы қазбалар, кен орындарын геологиялық зерттеуді ұйымдастыру ғалымның еңбек жолдарымен байланысы таныстырылды. Әңгіме Қаныш Сәтбаевтың үлкен үлес қосқан саласы – металлургияға қатысты болды. Балалар металдардың рөлі және олардың маңызы, адамдардың оларды қалай өндіруді, өңдеуді үйренгені туралы білді. Жоғары сынып оқушылары біздің өлкеміздегі металлургия саласының дамуы туралы пікірлерімен бөлісті, сондай-ақ металдар мен металлургияға қатысты шағын викторина барысында өз білімдерін тексерді.
