Александра Николаевна Китляйн 1950 жылы 1 наурызда Алтай өлкесінде, Шарчин ауданына қарасты Корчино ауылында дүниеге келген. 1963 жылы ата-анасымен бірге Қазақстанға (Зыряновск қаласы) қоныс аударады. 1967 жылы Ленин атындағы мектепті, 1973 жылы Шығыс Қазақстан педагогикалық институтын, сондай-ақ Мәскеудің Жоғары шетел тілдері курстарын тәмамдаған. Еңбек жолын Ново-Крестьянка ауылында неміс тілі мұғалімі болып бастаған. 1976 жылдан бастап Соловьёво ауылында тұрып, сол жерде орыс тілі мен әдебиетін оқытқан. Осы мектептің директоры қызметін 26 жыл атқарған. Көптеген марапаттары бар, «Қазақстан ағарту ісінің үздігі» атағының иегері.
Александра Китляйн бала кезінен өлең жазады. Өз шығармашылығын педагогикалық қызметінде де пайдаланды. Өлеңдері аудандық газетте, облыстық «Рудный Алтай» газетінде, «Иртыш» әдеби журналында жарияланған. Өлкетану бағытындағы «Дорогое моё Соловьёво» (2008) кітабы, «Следы всего или На короткой волне без цензуры», «Хочу стихи сложить…» (2011), «Постскриптум» (2013) жинақтары жарық көрді.
Александра Китляйн Зыряновск қаласындағы «Бухтарминские радуги» әдеби бірлестігінің және облыстық «Звено Алтая» әдеби бірлестігінің мүшесі болды. 2013 жылдан Кемерово облысының Междуреченск қаласына қоныс аударды, қазіргі уақытта «Литератор» поэзиялық клубының мүшесі болып табылады. 2014 жылы «На стороне любви» атты поэзиялық жинағы және «Криминальное лихо» прозалық кітабы, 2016 жылы «Прихожанка» жинағы, 2018 жылы «По судьбе и по дороге» повесі жеке кітап болып басылып шықты. Бұл повесть «Огни Кузбасса» (2019, №1) және «Кедр» журналдарында да жарияланды.
А. Китляйн – 2019 жылы Междуреченск қаласының «Жыл ақыны» ұлттық әдеби сыйлығын алды. 2015 жылдан бастап Ресей Жазушылар одағының мүшесі. «Солнечный круг» жинағында Александра Китляйннің балаларға арналған өлеңдері мен әңгімелері жарық көрген.
Китляйн А.Н. шығармалары
- Китляйн, А. Н. Для маленьких и постарше: от 3 до 12 лет/ А.Н. Китляйн. – Б. м.: Издательские решения, 2024. – 198 с.
А.Н. Китляйнның жиақтар мен мерзімді басылым беттеріндегі шығармалары
- Китляйн А.Н. Новому детству стихи. Санькины рассказы / А.Н. Китляйн // Солнечный круг: писатели Восточного Казахстана – детям: к 100-летию Восточно-Казахстанского литературного объединения “Звено Алтая”. – Барнаул; Усть-Каменогорск: Типография управления делами Администрации Алтайского края, 2020. – 400 с. : ил. – С. 185-199.
- Китляйн, А. Он спас жизнь маленькой Оле: [об устькаменогорском лингвисте Н. А. Петровском] / А. Китляйн // Рудный Алтай. – 2011. – 11 ноября. – С. 8.
- Китляйн, А.Н. По судьбе и по дороге…: повесть / А.Н. Китляйн // Кедр: историко-краеведческий и литературно-художественный журнал. № 3. – Усть-Каменогорск: ИП Аникин Б. П., 2019. – 199 с.: ил. – (начало №3, 2018). – С. 114-134.
- Китляйн, А. Н. Стихотворения/ А.Н. Китляйн // Звено Алтая. Поэзии волнительные строки: стихотворения звеноалтайцев. – Усть-Каменогорск: ВКПК АРГО, 2023. – 500 с. – (Звено Алтая: к 100-летию; т. 9). – С. 181-185.
