Кітапханада крафттық «Дженга» ойындар клубы ашылғанын қуана хабарлаймыз — бұл сенің үшінші мекенің!
Үй. Мектеп. Ал үшінші орын қайда? Үшінші орын — ешкімге «дұрыс» болып көрінудің қажеті жоқ, арнайы себепсіз-ақ келе беретін, еркін кеңістік. Мұнда өзіңе рухы жақын адамдарды кездестіріп, өз орныңды тапқандай боласың. Тіпті жалғыз келсең де — сені әрқашан қуана қарсы алады.
«Дженга» клубы — кітапханамыздың дәл осындай орны.
Бұл жерде жасөспірімдер мен жастар жиналып, қолмен жасалған ағаш ойындарын ойнайды, әңгімелеседі және жай ғана уақыттарын қызықты өткізеді. Клубта көңілді, жеңіл ойындардан бастап күрделі стратегиялық ойындарға дейін бар.
Бірақ бастысы — ойындар емес. Бастысы — атмосфера мен адамдар.
Егер сен жалғыз келсең,мұнда жаңа достар табасың.
Достарыңмен кел — басқа топтармен араласып кетесің.
Мұнда қатты сөйлесуге, дауыстап күлуге, пікірталасқа рұқсат — бұл өзін еркін ұстауға болатын кеңістік.
Ешқандай жарна немесе міндеттемелер жоқ. Қалаған уақытта келе бер.
Кесте: сейсенбі, бейсенбі — 15:00–17:00
Жасы: 10 жастан бастап
Кіру: тегін
Жетекшісі: Алексей Георгиевич Вдовин
Тел.: +7 771 435 6844
28.11.2025
«Дженга» крафт ойындары клубы «KITAPstyle» жастар студиясында қонақта болды. Біз қолмен жасалған ағаш ойындардың дамытушы әрі танымдық оқуға тамаша толықтыру бола алатынына көз жеткіздік. Мұндай ойындар логиканы, шыдамдылықты және стратегиялық ойлауды дамытады, ал жақсы кітап — зердені нәрлендіреді. «KITAPstyle» студиясында оқырмандарымыз қызығушылықпен ойнап, белсенді қарым-қатынас жасап, мол эмоция мен шабытқа бөленді!
27.11.2025
Бүгін біздің кітапхана мен “Дженга” клубы ең шынайы қонақтарды қарсы алды!
Бұл қуаныш, бұл күлкі және бұл ерекше қызығушылық ешбір цифрлық ойынмен салыстыруға келмейді.
Біздің жас оқырмандарымыз: ең жақсы ойын-сауық — қолмен ұстап, құрастырып, кейін қарқылдай күлкімен құлатуға болатын ойын екенін дәлелдеді!
