Цой Дарья Владиславовна (2005ж. 6 мамыр)
Дарья Цой – Өскемен қаласынан шыққан жас жазушы, Л. Гумилев атындағы №38 гимназияның түлегі, «На перекрёстке миров» атты алғашқы кітабын жарыққа шықты. Егер одан бәрі қалай басталғанын сұрасаңыз, ол нақты жауап бере алмайды, өйткені бәрі оның өзіне де, жақын айналасына да күтпеген жерден болды. Фантазия, шабыт пен жүрек толқынысына толы жарты жылдық күнделікті еңбек оған осы шығарманы жазу барысында өз бойындағы жүзеге асқан әлеуетті ашуға мүмкіндік берді.
Даша әрдайым шығармашыл тұлға болды, өзіне тән перфекционизмнің арқасында ол қолынан келгеннің бәрін мүмкіндігінше ең жақсы деңгейде орындауға тырысты. «На перекрёстке миров» – Дарьяның алғашқы ірі еңбегі, оның сиқыр, шығармашылық және өзіндік өрнек әлеміне жасаған алғашқы қадамы. Жас жазушының бұл кітапты жазуына жарты жыл уақыт кетті.
Белгілі болғандай, әдебиет пен кітапқа деген сүйіспеншілік бойында бала кезден-ақ қалыптасқан. Үшінші сыныпта ол «Скорочтение и развитие памяти» курсын аяқтап, оның оқу жылдамдығы минутына 1800 сөзге жетті. Осы дағдының арқасында кітап пен әдебиетке деген махаббаты оянды. Дарья «Достижением школы» атағына ие болып, ең жылдам оқитын оқушы ретінде танылды.
Жылдар бойы бұл қызығушылық шығармашылыққа және бір нәрсе жасағысы келуге деген ұмтылысқа ұласты. Оның айтуынша, мектепте оқыған жылдарындағы оқиғалар мен естеліктер оның авторлық қалыптасуына үлкен үлес қосқан, көптеген өмірлік сабақтар мен маңызды сәттер оның кітабында және басқа да шығармаларында көрініс табады.
Дарьяның алғашқы кітабының жанры – жастар хикаясы, ал мақсатты аудиториясы, көбінесе, жасөспірімдер. Осы шығармасында ішкі отбасылық қатынастар, достық пен алғашқы махаббат тақырыптарын бейнелейді. Ерекше атап өтерлігі, жас автордың алдағы уақытта жазуды жоспарлаған тағы бірнеше шығармасы бар, дегенмен алғашқы кітабы оның жадында мәңгілік, өзгермес дүние болып қалады.
Мектепті бітіргеннен кейін Дарья болашағын сәулет және дизайн саласымен байланыстырғанымен, әдебиет оның жүрегінде жақын болып қала береді. Гимназияны аяқтағаннан соң өзінің оқуын АҚШта жалғастыруда.
Шығармалары:
- Цой, Д. На перекрестке миров. – Усть-Каменогорск: Артекс, 2022.
