Ата-бабаларымыздың асқақ арманы болған ұлы күнді жырға қосқан ақындар аз емес.
2021 жылдың 28 сәуірі күні Қазақстан Республикасы Тәуелсіздігінің 30 жылдығына арналған «Азаттықтың ақ таңы» атты облыстық ақындар мүшәйрасы қорытындыланды.
22 қатысушы үміткер ақындарымыздың өлеңдерін құрамында Зәкәрия Хасен, Омарбаева Дәмеш, Тастағанов Мұрат, Жұматов Серік, Құсайынова Анар сынды ақындар бар қазылар алқасы сарапқа салып, бағалады.
Нәтижесінде Мақаев Жасұлан бас жүлде, Асқарбеков Жақсылық пен Елсінбекқызы Бақжан І орынды еншіледі. Дүриханов Ерназ, Исағұлқызы Дана, Кеңесхан Ролан ІІ орынға ие болса, Абзалханов Нұрболат, Ахметбек Мұратхан, Ахметов Серік, Сағатбеков Қанат ІІІ орын иегерлері атанды.
Барлық ақындарымызға алғыс хат пен қатысушылардың өлеңдері топтастырылған кітапша табыс етілді.
Тәуелсіздікті тәу етер жалғыз кием деп ұққан бүгінгі ұрпақтың бабалар аманатын арқалаған өлеңдерінде тарихқа тағзым, болашаққа сенім, өлмес рух жатыр деп білеміз.
