Кітапханамызда Шәкәрім атындағы №1 орта мектебінің 9 сынып оқушылары арасында «Менің құқығым, менің міндеттерім» атты құқықтық ойын сағаты өткізілді. Құқықтық сағатта оқушылыр өз міндеттері және құқықтары туралы өз ойларын білдірді. Оқушылар екі топқа бөлініп сұрақтарға жауап берді, аталмыш тақырыпқа байланысты мақал-мәтелдердің жалғасын тапты. Шара барысында оқушылар сыбайлас жемқорлықтың қоғамға тигізер зияны туралы ақпараттар алып, бейнероликті тамашалады. Жемқорлықты болдырмаудың ең алғашқы қадамы мектеп қабырғасынан басталатындығы баса айтылып өз пікірлерін ортаға салды.
