Міне, достар, көптен күткен 8 наурыз мерекесі де жақындап қалды.
Осыған орай кітапханамызда «Қ.Нұрғалиев атындағы №43 мектеп-лицейі» КММ-ның 2 сынып оқушыларына арналған«Қош келдің, Ару Көктем…» атты мерекелік шара ұйымдастырылды. Шара барысында балалар тамаша әндерімен қыздарды құттықтап, уақыттарын көңілді өткізді. Күлдіргі клоун Тима мен сүйкімді Ақ қоян балаларды түрлі ойындарымен қуантты. Сондай-ақ, клоун Тиманың досы Теңіз қарақшысы балаларға «Дауысынан таны», «Кішкентай көмекшілер», «Жер мен теңіз» ойындарын ойнатты. Жағымды эмоциялар мен көзқарастарға толы бұл күн кітапханаға мерекені тойлауға келгендердің көңілінен шықты. Шара соңында оқушылар кейіпкерлермен бірге көңілді әуенге би биледі.
