Балалар және жасөспірімдер кітабы апталығы аясында Зәки Ахметов атындағы № 16 мектептің 5 – сынып оқушыларына «Халық даналығының айнасы» атты ертегілік шеру ұсынылды. Ертегі кейіпкерлері балалармен қызықты ойындар ойнап, көңілді би биледі, жасырынған ертегі кейіпкерлерін тапты. Сондай-ақ, қатысушылар ертегіні рөлдерге бөліп оқып, актерлік шеберліктерін де көрсетті. Оқушылар өздеріне ұнаған ертегі кейіпкерлерін сипаттап, жағымды және жағымсыз жақтарын атады. Шара соңында арнайы жасақталған кітап көрмесіндегі өзге де кітаптармен танысты.
