«Маленькие таланты» жобасы аясындағы кезекті кездесу Шығыс Қазақстан облысы білім басқармасы Өскемен қаласы бойынша білім бөлімінің «Оралхан Бөкей атындағы № 44 лицейі» КММ 5-сыныптарының дарынды оқушыларымен өтті. Олар: әнші – Ақбердинова Ясмин Дәуренқызы, боксшы – Рахметолла Нұрсұлтан Ринатұлы, күйші – Қанарбек Айзере Бақытқызы, ақын – Алмабекова Айзере Алтынбекқызы, гимнастикамен айналысатын – Құсманова Нұрай Әділқызы. «Автор орындығы» әдісі бойынша әр талант иесі өз жетістіктерімен бөлісіп, болашақтағы армандарын жеткізді. Оқырмандардың сұрақтарына жауап бере отырып, өз өнерлерін паш етті. Сондай-ақ, көрермендер «Ассоциация», «Венн диаграммасы», «Сұрақтар сандығы» әдістері арқылы танымдық деңгейлерін көрсетті. Қатысушылардың назарына ұсынылған шағын кітап көрмесінде қызықты энциклопедиялармен танысып, талантты балалардың алған марапаттары жетістікке жетуге мотивация беруге ықпал етті. Кездесу патриоттық әнмен аяқталды. 
