Биыл Ауған жерінен Совет одағы әскерінің толықтай шығарылып, он жылдық соғыстың біткеніне – 35 жыл. Осы айтулы датаға орай кітапхана қызметкерлері №20 орта мектептің 6-сынып оқушыларына «Ауғанның от жалыны» атты кездесу өткізді.
Шара қонағы – Ауған соғысының ардагері Еділ Түгелбаевпен өткен кездесуде оқушылар өздерін қызықтырған сұрақтарға толыққанды жауап алып, соғыстың сұмдық қасірет екеніне көз жеткізді. Еділ Сарыарқаұлы Ауған жерінде болған майданның жай-жапсарына кеңінен тоқталды. Мектеп бітіре сала әскерге шақырылған ол соғысқа барар алдында үш ай дайындықтан өткенін, содан соң жиырма бір ай соғыс қимылдарына қатысып, ауыр жараланып, қандыкөйлек жолдастарынан айырылғанын тебірене жеткізді.
Шара соңында қатысушылар ардагер Еділ Сарыарқаұлымен естелік суретке түсіп, көрмеге қойылған тақырыпқа сай кітаптармен танысты.
