Бүгін кітапханамызда қазақтың көрнекті жазушысы, драматург, қоғам қайраткері, Қазақстанның еңбек сіңірген қайраткері, ҚР Мемлекеттік сыйлығының иегері Төлен Әбдіктің өмірі мен шығармашылығын танытуға, рухани мұрасы жайлы мол мағлұматтар беру мақсатында қала мектептерінің 9 сынып оқушылары арасында ашық алаң өткізілді.
Шара барысында жазушының өмір жолынан тың ақпараттар беретін Хабар агенттігі түсірген «Ақиқаттың ақберені» атты деректі фильмінен үзінді көрсетіліп, «Жылдар сөйлейді» атты ойын ойнатылды.
Сондай-ақ, Төлен Әбдіктің қалың жұртшылықтан жоғары бағасын алған – «Оң қол», «Бассүйек», «Қонақтар», «Қайырсыз жұма» шығармалары туралы айтылып, талданды.
Тақырыпқа сай кітап көрмесі көпшілік назарына ұсынылды.
