2022 жыл елімізде «Балалар жылы» деп жарияланғандығы баршаңызға аян. Осыған орай кітапхана қабырғасында Халықаралық балаларды қорғау күні қарсаңында кітапхана қызметкерлері ШҚО білім басқармасы Өскемен қаласы бойынша білім бөлімінің «№45 бейімделген орта мектебі» КММ-ның 3 сынып оқушыларына және ШҚО білім басқармасы Глубокое ауданы бойынша білім бөлімінің «Ахмет Байтұрсынұлы атындағы орта мектебі» КММ-ның бастауыш сынып оқушыларының назарына облыстық «Дидар» газетінің фототілшісі, ҚР Журналистер одағының мүшесі Тілеубек Шаяхметтің «Біздің болашақ» атты фотокөрмесін ұсынды. Көрмеге автордың осы уақытқа дейін түсірген балалардың бақытты, қызықты сәттерінен үздік туындылары қойылды. Шара барысында автор қатысушылардың сұрақтарына жауап беріп қана қоймай, шеберлік сағаты арқылы фотоға түсудің және түсіре білудің құпияларымен де бөлісті. Сондай-ақ, фотограф кітапханамызға қаламыздың көрікті жерлері мен әртүрлі мереке күндерінде түсірілген фотосуреттер жинағын сыйлады. Көрме алдағы уақытта да Металлургтер саябағында өз жалғасын табады деп жоспарлануда…
