Жүздерінен нұр шашқан, қылықтары тәтті біздің бүлдіршіндер үшін ерекше күн. Бүгін кітапхана төрінде күні кеше білім баспалдағына алғаш рет қадам басқан кішкентай оқырмандарымыз үшін «Білім данасы-Бастауыш!» атты мектепалды даярлық тобының тілашар мерекесі ұйымдастырылды.
Мереке барысында сүйкімді оқушылар Пырақ ханшайымымен ертегілер әлеміне саяхат жасап, сиқырлы ормандағы Саңыраңқұлақ бикешпен бірге түрлі қызықты тапсырмалар орындады. «Сөздер құрайық!,»,«Сөз ойла, тез ойла»,«Кім жылдам?», «Адасқан доп» ойындарын ойнап, өз өнерлерін ортаға салып, білім нәрімен сусындатқан ұстаздарына алғыстарын білдірді.
