Жаз – балалардың асыға күтетін тамаша мезгілі. Жазғы демалыс – оқушылардың мектептегі сабақтан гөрі еркіндікте болып, өзі үшін қызықты істерді жасап және өз мүдделерінің еркін дамуы үшін қажеттіліктерін жүзеге асыратын кезең. Оқушылардың жазғы демалысын тиімді ұйымдастыру мақсатында кітапханамызда жазғы ойын лагері өз жұмысын бастады. Ойын лагерінің алғашқы күні Алтай, Катонқарағай, Шемонаиха аудандарынан келген қатысушыларға арналды. Оқушылар келе салысымен кітапхананың ішкі тыныс-тіршілігімен танысып, жазғы демалыста оқуға болатын кітаптарды өзімен бірге алуға мүмкіндік алып, шағын саяхат жасады. Шара барысында оқушылардың танымдық қабілетін арттыру мақсатында оларға ситуациялық сұрақтар қойылып, әртүрлі кезең бойынша тапсырмалар жасырылды. Ұйымшылдықпен «біріміз – бәріміз үшін», деп топтық сайыстарда белсенділік танытқан балалар бір-біріне тез бауыр басып кетті. Шара соңында оқушылар алдағы уақытта да кітапханамызда өтетін түрлі шараларға қатысуға ниет білдіріп, ұйымдастырушыларға өз алғысын айтты.
#Жазғы_лагерь_басталды #біз_өздеріңді_асыға_күтеміз_кішкентай_достар #шқобжк #вкодюб
