Кітапханада қызығушылықтары бойынша бірлестіктің қатысушыларымен «Жарасымды қарым-қатынас» атты психологиялық тренинг өткізілді.
Шара барысында «Бақыт» фракциясы, «Смайлик», «Кім жылдам?» атты тапсырмалар ұсынылды. Көңілді сәлемдесуден басталған тренинг оқырмандардың зеректік қабілетін дамытуға, жылдамдыққа, шапшаң дербес қимыл әрекетке үйретуге, көңіл-күйлерін көтеруге, ұйымшылдыққа тәрбиелеуге бағытталды.
«Кім жылдам?» тапсырмасы оқырманның ойлау қабілетін дамытуға, зейінін, байқампаздығын арттыруға, өзара сыйластықты қалыптастыруға ықпал етеді.
Тұлға аралық қарым-қатынасты дамыта отырып, қатысушылардың бір-бірімен коммуникативті тұрғыда топ ұйымшылдығын арттыру, эмпатия сезімін, сенімділікті меңгеру басты назарда болды.
