Өскелең ұрпаққа азаматтық, патриоттық тәрбие беру – бүгінгі күннің басты талаптарының бірі. Осы орайда кітапхана қызметкерлері «5518 Ұлттық ұлан» әскери бөлімшесімен бірлесе қала мектептерінің арасында «Жарқыл – 2023» әскери-патриоттық ойыны ұйымдастырылды. Сайысқа қатысушы оқушылардан құралған топтар 7 түрлі кедергіден өту арқылы бақтарын сынады. Жарыста 5518 әскери бөлімінің клуб бастығы аға лейтенант Исақов Мейіржан Бақытұлы қатысушы топтарға сәттілік тілеп, төрелік етті. Қатысушы топтардың граната лақтырудан, экстремальды жағдайларда алғашқы медициналық көмек беруден, кедергілер арқылы жүгіру, мергендердіктері мен шеберліктері сынға түскенде үздік нәтиже көрсеткендері көңіл қуантады. Барлық кедергілерден озық шыққан ШҚО білім басқармасы Өскемен қаласы бойынша «Ахмер орта мектебі» КММ тобы «Жарқыл» әскери-спорттық ойынының жеңімпазы атанып, кубокты жеңіп алды. Жасөспірімдерге әскери өмірге баулып, патриоттық сезімдерін оятатын бұндай жарыстар қаламыздағы әскери бөлімшелермен бірлесе отырып жыл сайын жалғасын таппақ.
