8 қазан күні сағат 12.00-де жастар орталығында жас танымал кикбоксингтен әлем кубогының күміс жүлдегері, Қазақстан Республикасының 3 дүркін чемпионы Ермеков Серікбол Ермекұлымен кездесу өтті. Серікбол Ермекұлы С. Аманжолов атындағы ШҚУ-інің психология, педагогика және мәдениет факультеті дене шынықтыру және спорт теориясы мен әдістемесі кафедрасының 4 курс студенті. Қонағымыз өзі жайлы, спортқа қалай келгендігі, отбасы туралы баяндап берді.
Серікбол өзінің алдағы жоспарларымен бөлісіп, соның ішінде 15-24 қазан аралығында Италия мемлекетінің Венеция қаласында өтетін әлем чемпионатына қатысатындығын айтты.
Танымал спортшымен кездесу әңгіме түрінде өтті. Кездесуге қаламыздың белсенді жастары мен мектеп оқушылары қатысты. Қатысушылар жерлесімізге жеңіс пен сәттілік тіледі.
