Әдетте, адамдардың бәрі жаз айларында жағдайды өзгертіп, жаңа әсер алғысы келеді, бұл үшін кітапханашылар оқырмандарды кітаппен бірге демалуға шақырады. «Кітап адамды ала алмайтындай ғаламда кеңістік жоқ», атты қағиданы ұстана отырып «Өскемен-Алтай» бағытындағы поездындағы жолаушыларға және «Алтай бухтасы» демалыс базасындағы демалушыларға «Жолдағы кітаптар сапары» атты акция ұйымдастырылды. Шара барысында Совет Одағының батыры Ізғұтты Айтықовтың 100 жылдығына орай ерліктеріне тоқталып, ол туралы жазылған «Жұлдызыңа сен» атты деректі повесті таныстырылды. Сондай-ақ І. Айтықовтың Отан соғысындағы ерлігі суреттелген Ә. Көпбаев жазған кітаптағы ерліктері айтылып, ондағы деректер бойынша жазылған үнпарақтар таратылады. Және түрлі тақырыптағы қызықты кітаптар, альбомдар, сөздіктер мен журналдар ұсынылды. Кітапханаға оқырман болып, кітап оқуға жолаушыларды шақырдық.
