Бүгін кітапханамызға Өскемен қаласы әкімдігінің «№45 бейімделген орта мектебі» КММ-ның 4 сынып оқушылары қонаққа келіп, Тәуелсіздіктің 30 жылдығына арналған көрмемен, кітапхана орталықтарымен танысып, жыл мезгілдеріне арналған әртүрлі эстафеталық ойындарға қатысты. Берілген тапсырмаларды белсене орындап, ән айтып, би билеп, өз өнерлерін ортаға салды. Шараға қатысушылар сынып жетекшілерімен бірге көктем, жаз, күз, қыс мезгілдеріне бөлініп, топтық сайысқа да түсті. Әр айналым сайын өз жылдамдығымен көзге түскен командаларға жұлдызшалар таратылып, шара соңында ең көп жұлдызша жинаған топ жеңімпаз атанып, барлық қатысушыларға қызықты кітаптар сыйға берілді.
