Бүгін кітапхана қызметкерлері ШҚО білім басқармасы Өскемен қаласы бойынша білім бөлімінің «№10 мектеп-гимназиясы» КММ-де болып, 2 сынып оқушыларына арнап «Жыл мезгілдері» тақырыбында іс-шара өткізді. Шара барысында кішкентай оқырмандар көктем, жаз, күз, қыс мезгілдеріне бөлініп, топтық сайысқа түсті. Берілген тапсырмаларды белсене орындап, ән айтып, би билеп, викториналық сұрақтарға шапшаңдықпен жауап берді. Әр айналым сайын өз жылдамдығымен көзге түскен командаларға жұлдызшалар таратылды. Шара соңында көп жұлдызша жинаған топ жеңімпаз атанып, әртүрлі кітаптарды сыйға алды.
