Кітапқұмар балдырғандар үшін кітапханалық десантымыз Өскемен қаласы әкімдігінің №49 жалпы білім беретін мектебінде өз жалғасын тапты. Талантты оқушылар Әзілкеш, Лунтик, Фиксикимен бірге көңілді би билеп, ертегілерден жасырылған сұрақтарға жауап бере отырып, қызықты тапсырмалар орындады. Берілген тапсырмаларды толығымен орындаған озат ойлы балалар кітапхана қорына келіп түскен кітаптармен танысып, белсенділік танытқан оқушылар түрлі тәттілерге ие болды. Кітапханаға оқырман ретінде тіркелген бүлдіршіндер шат-шадыман күйге еніп, қуаныштан төбелері көкке жетіп, кітапханаға асыға келетіндерін қуана-қуана жеткізді.
