Қазақ әдебиеттану ғылымының дамуына елеулі үлес қосқан, өзіне тән шығармашылық қолтаңбасымен дара көрінген тұлғалардың бірі – Зәки Ахметовтың туғанына биыл 95 жыл толуына орай кітапхана қызметкерлері қаламыздағы Зәки Ахметов атындағы №16 орта мектебінің 8-сынып оқушыларына арнап «Күмбездің күміс бағаны» атты портреттік кеш ұйымдастырды. Шара барысында оқушыларға әдебиеттанушы, зерттеуші ғалым, профессор, академик Зәки Ахметовтың өміржолынан қызықты ақпараттар беріле отырып, Kahoot бағдарламасында ұсынылған тапсырмаларды орындады. Тақырыпқа сай кітап көрмесі таныстырылып, «Поэзия шыңы – даналық», «Өлең сөздің теориясы», «Абайдың ақындық әлемі» еңбектеріне де тоқталды.Шара соңында қатысушылар тұрақты сөз тіркестері жасырынған “Суреттер сөйлейді” ойынын ойнап, алғырлықтарын танытты. Біз үшін ғалымның өмірі-үлгі, ғылымы-өнеге.
