Бала – өмірдің гүлі. Бүгінгі бала – еліміздің болашағы, ұлтымыздың жалғасы. Бал қылықты бүлдіршіндердің күні құтты болсын! Бүгінгі қуанышты мереке аясында кітапхана қызметкерлері кішкентай оқырмандар үшін «Көңілді паровоз» атты мерекелік шара ұйымдастырды.
Шара барысында күлдіргі Мейрампаздар бүлдіршіндермен бірге «Денсаулық» бекетіне саяхат жасап, «Менің досым!», «Ойна, Ойла!», «Алақай, балақай!» атты қызықты ойындарын ойнап, түрлі сұрақтарға жауап беріп, алғырлықтарын көрсетті. Кішкентай оқырмандар «Қиял әлемі» бекетінде сиқырлы ертегілер еліне сапар шегіп, «Би билейік» бекетінде көңілдері қуанышқа кенеліп, музыка ырғағына сай би биледі. Сүйкімді бөбектер өздері жаттаған әндерін шырқап, Мейрампаздарға әсерлі сәт сыйлап, «Тосын сый» бекетінде өз белсенділіктерімен көзге түсті.
Кішкентай бүлдіршіндер мерекеден алған әсерлерін куана айтып, кітапхана қорындағы балаларға арналған ертегі кітаптарды да қызыға тамашалады
Кітаптар мекенінде жүздескенше жас дос!
