Ескі Жаңа жыл қарсаңында «Мейірімді шырша» қайырымдылық акциясы аясында кітапхана қызметкерлері Солнечный кентіндегі Өскемен арнаулы әлеуметтік қызметтер көрсету орталығының аға буынын құттықтап шықты.
Орталықта «Әуенді тап», «Кинофильмдерден дәйексөздер», «Әнді еске түсір», «Ән батл» байқаулары мен викториналарына толы «Ретро FM» музыкалық бағдарламасы орын алды.
Іс-шараға қатыса отырып, қарттар өздерінің жастық шақтарының жарқын әдемі кезеңдеріне қайта шомылып, музыка әлеміне еніп, сүйікті әндерін шырқады, биледі және жақсы ескі фильмдерді еске алды. Соңында оларды әртүрлі жанрдағы кітаптардан тұратын сыйлықтар күтіп тұрды: детективтер, махаббат романдары, шетелдік мелодрамалар, шытырман оқиғалар және т. б.
Барлығы көңілді уақыт өткізіп, жанын тыныштандырып, кітапхана қызметкерлеріне шынайы алғыстарын білдірді.
