Шәкірт пен ұстазға ғана емес күллі адамзатқа ізгілік нұрын сыйлаған білім күні құтты болсын! Кітапхана ұжымы бүгінгі мерекеде Өскемен қаласы Қ.Нұрғалиев атындағы №43 мектеп-лицейінің 7 «А», «Г» сыныбы оқушыларының қатысуымен “Мен елімнің-ертеңі” атты зияткерлік сайысын өткізді.
Тартысты білім байқауы үш кезеңнен тұрды. Алғашқы шарт бойынша оқушылар үш суретке ортақ бір сөзді тапса, екінші бөлімде қазақтың тарихи танымал тұрғаларын сурет арқылы сәйкестендірді. Ал шешуші кезеңде қызықты логикалық сұрақтарға жауап берді.
Зияткерлік сайыс нәтижесінде III орынды «Заңғар», II орынды «Асу» тобы еншілесе, жүлделі I орынды бірлігі мен білімі ерекше көзге түскен «Белес» тобы марапатталды.
Тартысты ойын өрнегін көрсеткен тапқыр топтарға мақтау қағаздары берілді.
