Бүгін кітапханамызға «№9 орта мектебі» КММ-нің 4 «г» сынып оқушылары қонаққа келіп, кітапхана қызметкерлері ұйымдастырған «Отрарская библиотека» атты тарихи танымдық шараға қатысты. Шара қатысушыларына Дүние жүзіндегі ең үлкен кітапхана Отырарда болғанын білесіздер ме? Әлемдегі ірі кітапханалардың бірегейі болып саналатын бұл кітапхананың қандай ерекшелігі бар? Бұндай кітапхана болмаған деп айтушылар қандай ақпараттарға сүйенді деген сұрақтар төңірегінде ақпараттар берілді. «Отырар кітапханасын кім ашты?», «Кітапхана қалай табылды?», «Үлкендігі бойынша әлемде нешінші орында болған?» деген сауалдарға жарыса жауап берген шара қатысушылары «Тарихи тұлғаны ата» ойынында да өз белсенділіктерін көрсетті.
