«Әлем ғылымдар тілінде» Ғылым апталығының аясында кітапхана қызметкерлері Өскемен қаласы әкімдігінің «Қ.Нұрғалиев атындағы №43 орта мектебі» КММ-нің 4-сынып оқушыларына «Оқимыз! Ойлаймыз! Табамыз! Жасаймыз!» тақырыбында шеберлік сағатын өткізді. Шара барысында Роберт Уинстонның «Ғылыми эксперименттер» кітаптарынан алынған «тепе-теңдік», «дротик ұшыр», «қысым астында», «жылдам реакция» тәжірибелері балалармен бірге жасалды. Қызықты тәжірбиелерді қарапайым тілмен түсіндіретін «Фиксики» мультфилімі көрсетіліп, одан киімге жұққан дақты қалай тез кетіруге болатындығы туралы білді. Шара соңында Роберт Уинстонның әртүрлі тәжірбиелерге арналған энциклопедиялық кітаптары туралы ақпараттар беріліп, «Ғылымның жаққан шырағын» атты көрме-инсталляциясы таныстырылды.
