Еліміздің гүлденген ұлт болып қалыптасуы үшін өскелең ұрпаққа патриоттық тәрбие беру – бүгінгі күннің басты талаптарының бірі. Әскери өмірдің, қиыны мен қызығы қатар жүретін жауынгерлік қызметтің маңызы бейбіт күнде де аса зор.
Осы орайда кітапхана қызметкерлері «Қазақстан Республикасы Ұлттық ұланның 6699 әскери бөлімімен» бірлесе әскери патриоттық іс-шара өткізді. Шара барысында кездесу қонағы, 3 дәрежелі «Айбын» орденінің кавалері Үсенов Мұхтар Айқынұлы өзінің алмағайып оқиғаларға толы өмірбаяны мен қатал әскери қызметке қалай келгені жайлы айтып өтті. Жас сарбаздар кеш қонағына өздерін қызықтырған сұрақтарын қойып, тұщымды жауап алды. Кездесу соңы әсем ән мен күмбірлеген күйге ұласып, қонақтар риза көңілмен тарқасты. Шараға белсене қатысқан кітапхана қызметкерлері 6699 әскери бөлімінің командирі, подполковник Ж.Сағадиевтің алғыс хатымен марапатталды. Мұндай іс-шаралар кітапхана тарапынан әр түрлі мемлекеттік мекемелермен бірлесе тұрақты өткізілетін болады.
