Өскемен қаласы әкімдігінің «№14 орта мектебі» КММ-ның 4 сынып оқушылары алғашқы тоқсандық демалыстарын кітапханамызға қонаққа келіп, ерекше көңіл-күймен бастады. Кітапхана қызметкерлері кішкентай қонақтарына кітапхана орталықтарын таныстырып, шағын саяхат жасады.
Кітапхана орталықтары мен қызметкерлері жайлы мәліметке қанық болған оқырмандарды әртүрлі эстафеталық ойындардан тұратын «Приключение светофорика» атты мерекелік шара күтіп тұрды. Жол ережелерін түсіндіруге бағытталған шара барысында ойынға қатысушылар қызықты жұмбақтарды жарыса шешіп, топтық, жұптық ойындар ойнап, жол полициясы мен бағдаршамның әртүрлі сауалдарына жауап берді. Шашыраңқы кітап көрмесі балалардың күрделі тапсырмаларды жылдам шешуіне көмектесті. Ойын соңында қатысушылар көңілді әуенге флешмоб билеп, көңілді тарасты.
