Шығыс Қазақстан облыстық балалар және жасөспірімдер кітапханасы Қазақстан Республикасының Ұлттық академиялық кітапханасының ұйымдастыруымен өткізілген «Рухани қазына – 2021» IY онлайн фестиваліне қатысты. Аталмыш фестивальға Шығыс Қазақстан облыстық балалар және жасөспірімдер кітапханасы «Облыстық деңгейдегі ең үздік мемлекеттік балалар және жасөспірімдер кітапханасы», «Облыстық деңгейдегі балалар және жасөспірімдер кітапханасының ең үздік қызметкері» номинацияларына және «Оқу мен кітапты насихаттау бойынша ең үздік медиа жоба» премиясына жұмыстарын ұсынды. Онлайн фестивальдың ережесіне сәйкес әр қатысушы өз жұмыстарын қорғап, бақтарын сынады. Кітапхана қызметкерлері қатысушыларды атқарылып жатқан жұмыстарымен таныстырып, болашақтағы жоспарларымен бөлісті. Фестиваль барысында Қазақстан Республикасының Ұлттық академиялық кітапханасының директоры Мұңалбаева Үмітхан Дәуренбекқызы қатысушыларға өз ұсыныстарын жасап, әр қатысушының жұмыстарына баға берді.
