Жайдарлы жаз келді, достар!
Кітапхана қызметкерлері балалардың оқу жылының аяқталуына орай жазғы демалыстарын сәтті өткізуге тілектестік білдіріп, көңілдерін көтеру мақсатында «Сабантой – 2023» мерекелік шарасын өткізді.
Шара барысында бүлдіршіндер көңілді паровозбен ғажайып бекеттерге саяхат жасап, түрлі қызықтарға кенелді.
«Кітаппен өткен жаз қызық!» бекетінде оқушылар жазғы демалыста оқуға ұсынылатын кітап көрмесімен танысып, «Тапқыр балақан»,«Жұлдызды сәт!» ойындарын ойнап жүйріктіктерін байқатты.
Алғыр достарымыз «Денсаулық бекетінде» ұлттық ойын асық атуды шеберлікпен ойнап, мергендіктерін көрсетті, сондай-ақ спорттық дене көтеру, секіртпе жаттығуларын жасап, өзара бақтарын сынады.
Көңілді «Би бекетінде» кішкентай оқырмандар әсем әуен ырғағына сай ортада би билеп, лентаның көмегімен әртүрлі айналу қимылдарын орындап, «Сиқырлы музыка» ойынын ойнап өнерлерін паш етті.
«Modern бекетінде» кішкентай бүлдіршіндер соңғы үлгідегі заманауи технология: иммерсивті құлаққаптарды пайдалана отырып табиғат әлеміне сапар шекті. Сылдырлап аққан судың, құйқұлжып ән салған құстың ғажайып үнін тыңдаған қатысушылар табиғат аясында керемет күй кешті.
Саз әлемінің ырғағы бүлдіршендерді «Ән бекетіне» алып келді. Кітапхана оқырмандары танымал әндерден попури орындап, өздері жаттаған әндерін шырқап, әсерлі сәттің куәсі болды.
Шара қортындысы «Тосын сый» бекетінде жалғасып, өз белсенділіктерімен көзге түскен барша балдырғандарға тәттілер үлестірілді.
Түрлі ойындарға белсене қатысқан балалар бос уақыттарын көңілді әрі қызықты өткізіп, ерекше көңіл-күймен тарқады.
