Біздің кішкентай оқырмандарымыз Халықаралық балаларды қорғау күні мерекесі қарсаңында «Жазғы кітапхана лагерінің» ашылуын кітапханашылармен бірге атап өтті.
Ағылшын тілінде түстер мен сандар жасырылған ойындар ойнап, тапқырлық танытқан белсенді лагер қатысушыларын кітапхана ауласында танымдық ойындар, көңілді би мен тамаша әндер, қызыққа толы кітап көрмесі күтіп тұрды. Ойын барысында балалар Тикидің досы Токиді интернетке тәуелділіктен құтқаруына көмектесті. Сондай-ақ, балалар беттеріне өз қалауынша сурет салдырып, өздері де алаңдағы асфальтқа түрлі-түсті борлармен өз ойларындағы суреттерін салды. Әртүрлі шытырман оқиғалар арқылы Токидың назарын өздеріне аудара білген кішкентай бүлдіршіндер оны бірге флешмоб билеуге шақырды.
