«Ғасырлар пернесі: ақын Ноғайбай Сүлейменұлы» атты іс-шара 19 ғасырда өмір сүрген біздің өлкемізден шыққан зағип ақын Ноғайбай Сүлейменұлының өмірбаянын, шығармашылығын оқырмандарға жеткізу мақсатында ұйымдастырылды. Шараға Шәкәрім атындағы №1 мектептің 5-6 сынып оқушылары қатысты. Шара барысында қатысушылар халық ауыз әдебиетіндегі Ноғайбай Сүлейменұлының шығармалары туралы ақпараттар алды. Сондай-ақ ақынның бүгінгі күнге келіп жеткен шығармаларынан үзінділерді мәнерлеп оқып, шашыраңқы кітап көрмесімен танысты. Бүгінгі таңда ақынның бізге жеткен 18 өлеңі, 1 әні, 1 поэмасы, 2 айтысы бар.
