Қамбар батыр: эпостың баяны / балаларға лайықтап әңгімелеген Ә. Нұршайықов. – Астана: Фолиант, 2024. – 144 б.

Халық ауыз әдебиетін телегей-теңіз мол мұра десек, сол теңізді құрайтын аса ауқымды арнаның бірі — эпикалық жырлар. Солардың ішіндегі «Қамбар батыр» жыры — ел арасында көп тараған, ел мен жер намысын қорғау жолындағы ер Қамбардың бойындағы батырлық, ерлік, батылдық, бірбеткейлік, намысшылдық сияқты ізгі қасиеттерді марапаттауға арналған жыр. Жазушы Әзілхан Нұршайықов бұл туындыны көркемдігіне залал келтірмей, ойлау, пайымдау қабілеті қалыптасып үлгермеген жас жеткіншектердің таным-түсінігіне лайықтап, қара сөзбен әсерлі баяндап шыққан. «Қамбар батыр» жырының қара сөзбен баяндалған, көркем безендірілген бұл нұсқасы жас ұрпақтың ойын ұштайтын, қиялын қанаттандыратын кезекті рухани олжа боларына сенімдіміз.

Share