Бүгін кітапхана қызметкерлері Шығыс Қазақстан облысы білім басқармасы Өскемен қаласы бойынша білім бөлімінің «Заки Ахметов атындағы №16 орта мектебі» КММ-нің 5 сынып оқушыларына арнап «Қызықты әдеби қоржын» атты ойын сабағын өткізді. Сабақ барысында оқушыларға бірінші тоқсанда оқыған ертегілерімен бірге Ыбырай Алтинсаринның әңгімелері жайлы қызықты тапсырмалар берілді. Тапсырманы қасқыр мен қоян да жарыса орындап, оқушыларға жақсы көңіл-күй сыйлады. Сондай-ақ, оқырмандар «Керқұла атты Кендебай» ертегісіндегі бірқатар күрделі сөздер мен түсініксіз оқиғалар туралы бейнеролик тамашалады. Ойын соңында барлығы орнынан тұрып көңілді әуенге би билеп, естелік фотосуретке түсті.
