Бүгін кітапхана қызметкерлері қала мектептерінің 7 сынып оқушыларына арнайы маңғыстаулық өлкетанушы, географ, публицист, этнограф-ғалым
Серік Қондыбайұлының өмірі мен шығармашылығына арналған «Құбыладан туған құйрықты жұлдыз» атты панорама өткізді. Шара барысында тұлғаның мұралары, ғылыми еңбектері жайлы мағұлматтар беріліп, қатысушылар «Таным», «Тарих», «Тағылым» ұяшықтарындағы тапсырмаларды орындап, берілген ақпараттар арқылы «Серікбол Қондыбай кім?» деген сұрақтың толық жауабын алды. «Ғажайып киіз» үй ойыны ойнай отырып, топпен жұмыс жасаған қатысушылар С.Қондыбайдың еңбектерінің құндылығына қанықты.Сондай-ақ Ақыл батл ойыны ойнатылып, оқушылар «Менің Қазақстаным», «Өлкенің әуендері», «Менің туған өлкем» тақырыптарында тапсырмаларды орындап, тапқырлықтарын таныта білді.
