Шығыс Қазақстан Облыстық балалар және жасөспірімдер кітапханасында Қаныш Сәтпаевтың 125-жылдығына орай ұйымдастырылған Ғылым апталығында «Қ. Сәтпаев – студент: 15 қызықты фактілер» атты геоквест өткізілді. С.Аманжолов атындағы ШҚУ-нің экология және география кафедрасының сениор-лекторлары Сабырбаева Ботагөз Талғатбековна және Кабдрахманова Назым Кабдрахманқызы Қ.И. Сәтпаевтың өмірі мен еңбектеріне тоқтала отырып, университет музейінен әкелінген бағалы минералды тастарға шолу жасады. Балалар ғұлама ғалым, ұлағатты ұстазға арналған «Қаныш – қазына» атты кітап көрмесінде ұсынылған әдебиеттермен танысты.
Оқырмандар «Тантал», «Алтын», «Күміс», «Алмаз» атты топтарға бөлініп Қ. Сәтпаевтың өмірінен қызықты фактілер бойынша өзара сайысқа түсті. Сайыс өте қызықты да тартымды өтті. Балалар өздерінің білімдерін, ізденімпаздықтарын, зеректіліктерін көрсете білді. Іс-шара соңында сайыс жеңімпаздарын, белсенді қатысушыларды марапаттау рәсімі өтті.
