Ерліктің арқауы, елдіктің бастауы болған ұлы даланың батыр да батыл тұлғаларының ел қорғап, ерлік көрсеткен өмір жолдарын жас ұрпаққа насихаттау бүгінгі таңда басты парызымыз.
Осы орайда ШҚО мәдениет басқармасының «Шығыс Қазақстан облыстық балалар және жасөспірімдер кітапханасы» КММ «Оралхан Бөкей атындағы №44 лицей» КММ-ның тарих пәнінің мұғалімі, педагог-зерттеуші Айткожин Қайрат Батханұлының ұйымдастыруымен болған батыр, талантты қолбасшы, мемлекет қайраткері, дипломат, саясаткер – Қабанбай Қожағұлұлының 330 жылдық мерейтойына арналған «Ұлы даланың Қаһарман тұлғасы» атты республикалық тарихи-танымдық ғылыми конференциясына қатысты. Кітапхана қорындағы кітаптардан еліміздің әр өңірінен жиналған зерттеуші-ғалымдар мен қонақтардың, мектеп оқушыларынының назарына «Үш жүзге ұран болып, даңқы шыққан» атты көрме ұсынылды. Көрмеде дарабоз батырдың жорық жолдары мен өмір тарихын қамтыған кітаптар мен мерзімді басылымдардың беттерінде жарық көрген ақпараттар, мақалалар топтастырылды. Сондай-ақ, кітапхана қызметкерлері Өскемен қаласы, Нұрлы-көш елді мекенінде орналасқан, Қабанбай батырдың құрметіне қойылған ескерткішке гүл шоқтарын қою рәсіміне қатысып, батыр бабамыздың рухын еске алып, ұлықтап қайтты.
