ШҚО балалар және жасөспірімдер кітапханасының қызметкерлері «Төр Алтай жырлайды» атты облыстық поэзия – фестивалі аясында «Әдебиет! Қаламгер! Қоғам!» тақырыбында Республикамыздың әр өңірінен келген қаламгерлермен жүздесті.
Кездесу барысында жерлесіміз Ұлықбек Оразбайұлы Есдәулетовты 70 жасқа толу мерейтойымен құттықтап, алдағы уақытта кітапхана қабырғасында өткізілетін шаралар туралы айтылды. Сондай-ақ, ТҮРКСОЙ Жазушылар одағының төрағасы Ұлықбек Есдәулет осы одақтағы атқарып жатқан жұмыстар төңірегінде айта отырып, биылғы әдеби жыл қорытындысы туралы, өз шығармашылығы жайлы әңгімелесе, Әлібек Асқаров жуырда ғана қолға алған ел мен жер тақырыбындағы эссесінің жазылуы туралы айта келіп шығармашылығындағы жаңалықтарымен бөлісті. Республикамыздың әр өңірінен жиналған қаламгерлердің кітапхана қорына арнайы әкелген кітаптарын сыйға алған кітапхана қызметкерлері келелі кездесуден, рухани азық алып тарқасты.
