Шәкәрім Құдайбердиев атындағы №1 мектептің 6-сынып оқушылары «Өлкеңді таны. Знай край» зияткерлік ойынының қатысушылары болды. Шара – ойын арқылы туған өлкенің тарихымен, әдебиетімен, мәдениетімен таныстыруға негізделген. Командалық бәсекеге қабілеттілік алғашқы минуттардан-ақ байқалды. «Жұлдыздар мен гүлдер» ойыны бойынша топқа бөлініп, ойын басталды. «Кім жылдам?», «Бұл кім?», «Сен білесің бе?», «Суреттер сөйлейді», «Қателеспе!», «Шығармашылық қобдиша» тапсырмаларын топпен бірлесіп орындау қиынға соқпады. Білім, тапқырлық, ұшқырлық нәтижесінде ең ұйымшыл топ жеңімпаз атанды.
Ойынның соңындағы жеңіске жеткен топ мақтау қағазымен марапатталды. Барлық қатысушылар мен ұйымдастырушылар дән риза болып тарасты!
