ШҚО Білім басқармасы Өскемен қаласы бойынша білім бөлімінің «№ 49 жалпы білім беретін мектебі» КММ-да қазақтың рухани көсемі, Алаш ардақтысы, тіл білімінің жанашыры, түркітанушы, ғалым Ахмет Байтұрсынұлының 150 жылдық мерейтойына орай 2022 жылдың 12-22 қыркүйек күндеріне жоспарланған «Ахмет Байтұрсынұлының даналық тағылымдары» атты мектепшілік онкүндік салтанатты түрде ашылды. Ағартушы А.Байтұрсыновтың есімі тіл білімімен тығыз байланысты. Оңкүндіктің ашылуы аясында кітапхана қызметкерлері «Тіл – ұлы байлық» атты кітап көрмесін ұстаздар қауымы мен оқушыларға таныстырып қайтты. Көрмеде тіл білімі мен тіл мәселелеріне, тілдерді үйрену мен оқытуға арналған материалдар, жазушылардың ұлағатты сөздері ұсынылды. Оқушыларға тіл білімінің тарихы, дамуы туралы ақпараттар берілді.
