«Библионяня» үйірмесінің кезекті шарасы кітапхана қорындағы «Найди и Покажи На ферме», «Найди покажи Весь мир» кітаптарымен танысудан басталды. Кішкентай оқырмандар шара барысында фермадағы үй жануарларымен, ауыл тұрғындарының тыныс- тіршілігімен суреттер арқылы таныса отырып, зейінділікті дамытуға бағытталған қызықты тапсырмаларды орындады. Бұл суретті кітаптар балалардың есте сақтау қабілетін дамытуда және сөздік қорын молайтып, өз бетінше қызықты әңгімелер құрастыруға көмектесетін таптырмас оқулық. Уақыттарын қызықты әрі пайдалы өткізген бүлдіршіндер үшін бүгінгі кездесу көңілді өтті.
