«Библиоша» оқу академиясының жұмысы балалардың интеллектін, оқуға деген тұрақты қызығушылығын, мәтінді саналы түрде түсінуін дамытуға бағытталған. Сапалы оқусыз оқушы ауызша ақпаратпен қаныққан әлемде жақсы оқып, бағдарлай алмайды. Біздің іс-шараларымызға қатысу арқылы еркін оқуды, зияткерлік ойындарға қатысуды, сүйікті кітаптар әлеміне қызықты саяхат жасауды үйрене алады.
Бейсенбі: 12:00
Жетекшісі: Қабдылқаққызы Асылжамал
Тел: +7088303124
16.05.2025
2025 жылдың 16 мамырында «Библиоша» оқу академиясының қатысушыларымен кезекті кездесу өтті. Іс-шара балаларға арналған Ұлы Отан соғысы туралы үздік шығармалар қойылған кітап көрмесінің жанында ұйымдастырылды. Кездесудің басында жас оқырмандар ұсынылған кітаптармен танысты. Кейін дауыстап оқу үшін Лев Кассильдің «Соғыс туралы әңгімелер» жинағы таңдалып алынды. Кездесудің екінші бөлігі ойын-сауық форматында жалғасты. Балалар жылдамдыққа пазлдар құрастырып, өздерінің тапқырлығы мен ептілігін көрсетті. Ерекше есте қалған сәт – «Қораптағыны тап» ойыны болды. Қатысушылар көздерін жұмып, ойыншықтарды сипап сезу арқылы қорапта не жатқанын табуға тырысты. Әр ойыншы өз әсерімен бөлісіп, бұл сәт күлкі мен қызықты пікірлерге толы болды.
19.03.2025
Кітапханада Наурыз мерекесін тойлау барысында 19 наурыз күні «Библиоша» оқу академиясы қонақта болды. Бүкіл іс-шара қазақтың ұлттық мерекесіне арналды: дәстүрлер, әдет-ғұрыптар, киімдер, ойындар, дастархан, зергерлік бұйымдар, Қорқыт пен Қыдыр ата туралы аңыздар мен ертегілер қамтылды. Ерекше назар «Кітапханада Наурыз» атты кітап көрмесіне, үш қызғалдақ бейнеленген Наурыз логотипіне және 14-23 наурыз аралығында атап өтілетін Наурызнама декадасына аударылды. Бұл күннің мағынасы – уақыттың үш бірлігін (өткен, қазіргі және болашақ) және адамның үш болмысын (жан, тән және ақыл) білдіретіні түсіндірілді. Балалар әртүрлі сайыстарға қатысып, өздерінің күшін, ептілігін, жылдамдығы мен дәлдігін көрсетті. Сонымен қатар, бәрі бірге көңілді «Қара жорға» биін орындады. Бұл күн олар үшін нағыз мерекелік, қуанышты әрі көңілді болды!
03.03.2025
3 наурыз күні өткен шарада әңгіме XIX ғасырдың аяғындағы ұлы жазушылардың бірі – биыл 165 жылдығы атап өтілетін Антон Павлович Чехов туралы өрбіді. Балаларға «Сүйікті жазушы» атты кітап көрмесі ұсынылды. Чеховтың «Каштанка», «Ақ маңдай» («Белолобый») және «Ванька» атты әйгілі әңгімелері туралы қызу пікірталас өтті. Жас оқырмандар әңгіменің ең әсерлі, толғандыратын үзінділерін кезекпен дауыстап оқыды. Кейін олар үлкен қызығушылықпен және тез арада «Каштанка» шығармасы бойынша кроссворд құрастырды.
31.01.2025
31 қаңтарда дәстүр бойынша кездесу сүйікті шағын жаттығу – «Ақылды мен тапқырлар» ойынымен басталды. Кітапханашының «астарлы» сұрақтарына дауыстап, хормен жауап беру ерекше атмосфера сыйлады.
Келесі кезеңде балалар мен ата-аналарға арналған «Орыс тіліндегі жаңа сөздер» сөздігімен танысу өтті. Кездесудің ерекше бөлігі «Ғажайып кітап» атты жаңа кітаптар көрмесіне шолу болды. Келесі тапсырмада балалар «Свирелька» журналының көмегімен баспагер рөлін сынап көрді.
