Күнделікті өмірде бәріміз жол қозғалысының қатысушылары — жаяу жүргіншілер, жолаушылар, велосипедшілер болып табыламыз.
Бүгін Коменданткадағы скверде «Жол тәртібін білейік» атты танымдық-ойын викторинасы өткізілді. Ол жол белгілері еліне саяхат түрінде ұйымдастырылды. Викторина бірнеше кезеңнен тұрды, әр кезеңде қатысушылар жол ережелерін жай ғана қайталап қоймай, оны ойын, қимыл-қозғалыс пен эмоция арқылы сезініп, іс жүзінде орындады.
«Бағдаршам» деп аталатын алғашқы кезеңде балалар қимылдар мен бағдаршам белгілері арқылы жол қозғалысының негізгі ережелерін қайталады.
Екінші кезең: «Кубик» қимыл-қозғалысқа толы болды. Әр лақтырылған кубик жаңа жол белгісін ашып, оны танып, дұрыс түсіндіру керек болды. Қорытынды кезең: «Мен жаяу жүргіншімін» барысында балалар нағыз жол қозғалысының қатысушыларына айналып, жолда өзін қалай қауіпсіз әрі дұрыс ұстау керектігін тәжірибе жүзінде көрсетті.
Барлық тапсырмалар жас ерекшеліктеріне сәйкес ұйымдастырылып, әр баланың белсенді қатысуына мүмкіндік берді.
Іс-шара соңында қатысушылар жол қозғалысы ережелерін сақтаудың маңыздылығын түсінді.
Белсенді қатысып, зейін қойып, жақсы көңіл-күй сыйлаған балаларға ризашылығымызды білдіреміз.
