Бүлдіршіндердің жүздерінен күлкі кетпесін!
Бүгінгі жаңбырлы ауа райына қарамастан кішкентай оқырмандарымыз кітапхана төрінен табылды. Кітапхана қызметкерлері оқырмандарымызға арнап «Жүзден жүйрік!» атты эстафеталық ойын ұйымдастырды.
Шара барысында балдырғандар ұлттық ойын асық атуды шеберлікпен ойнап, мергендіктерін көрсетті. Сондай-ақ топ мүшелері кеглиді пайдалана отырып түрлі кедергілерден өтіп, ұйымшылдықтарын танытты. Боулинг добын дөп тигізген бүлдіршіндер жүйріктіктерін байқатып, өзара сынға түсті.
