Бүгін “Керім-ай” би тобының бүлдіршіндері ертегілер әлеміне саяхат жасап, “Disney кітап әлемінде” атты коллаж форматындағы мерекелік шараға қатысты. Шара барысында бишілер кітапхана қорындағы қазақ ертегі кітаптарымен таныса отырып, «Ақ қоян» ойынын ойнап, әннің ырғағымен қол ұстасып дөңгелене мың бұрала би биледі. Кішкентай және орта топ бишілері “Күлше қыз”, ” Түйме қыз”, “Мұзды өлке” ертегілерінен үзінді әңгімелеп, ертегіде кездесетін вальс қадамдарын меңгерді. Сондай-ақ, «Ғажайып мозаика» ойыны арқылы ертегі кейіпкерлерін құрастырып, «Сиқырлы қалпақ ойынында өнерлерін ортаға салып, тапқырлықтарын танытты. Талантты балақайлар үйірме барысында тек би үйреніп ғана қоймай, кітап оқып та зеректіктерін байқатуда.
