Бүгін көктемнің шуақты күнінде кітапхана төрінде балдай тәтті балдырғандар мерекелік шараға қатысып, қуанышқа кенеліп қайтты.
Мерекелік думан балалар және жасөспірімдер кітап апталығының ашылуымен басталды. Шаттыққа бөленген бүлдіршіндер ертегі кейіпкерлерімен бірге ойнап, бірге билеп, тапқырлықтарымен білімдерін ортаға салды. «Кітаппен жарқын әлемге, Праздник всех, кто любит книгу» деп аталатын мерекелік шараның шымылдығын Кітап ханшайымы мен Энциклопедия ашып, кішкентай оқырмандарға сауалдарын жаудырды. Қатысушыларды сиқырлы әлемге енгізген Фантастика мен шытырманға толы Приключения, құпиясы көп Детектив пен балалар сүйіп оқитын Ертегі шараға ерекше салтанат беріп, бірлесе көңілді би биледі. Әрмен қарай тапсырмасы таусылмайтын Өзге Ғаламшарлық Кітапқұмар досы екеуі түрлі қызықтарды бастарынан кешірді.
Көңілді мерекелік думан соңында үздік деп танылған оқырмандарды Жазушылар одағының мүшесі, ШҚ Жазушылар одағы филиалының төрағасы Әлібек Қалиұлы құттықтап, кітапхана әкімшілігі атынан сыйлықтар табыстап, алғыс хаттармен марапаттады.
Жеңімпаздарды жеңісімен құттықтай отырып, қатысушыларға демеушілік жасаған жеке кәсіпкер Ахмеджанова Зәуреге, ортапедиялық орталықтың дәрігері Думан Сарсенұлына, фитнес-нұсқаушы Мария Данильченкоға, ойыншықтар дүкенінің өкілі Юлия Маарифовнаға, стилист Кабдырахманова Гүлшатқа алғыс білдіреміз!
