Қатысушылар кітапхана психологымен бірге «Менің портретім» арт-терапиясын орындады. Ол әр адамның қайталанбас тұлға екендігін еске сала отырып, өзін дамытуға, бағалай білуге бағытталды. Семинар ШҚ ОБЖК қызметкерлерінің оқырмандарды кітап пен оқуға тартуда атқарылып жатқан жұмыстары бойынша іс-тәжірибелерімен бөлісіп жалғасын тапты. Атап айтсақ өлкеміздегі ақын-жазушылардың шығармаларын насихаттау мақсатында «Өлкетану әліппесі» атты үстел ойыны ұсынылды. Онда қатысушылар берілген алфавит бойынша өздеріне ұнаған әріптен басталатын жазушыны таңдады және кітап көрмесіндегі әдебиетті қолданып ол туралы жан-жақты мәлімет беруге тырысты. Сондай-ақ өлкеміздің киелі жерлері туралы ақпараттармен жұмыс барысында қатысушылар белсенділік танытты.
Қазіргі кезде кең танымал «Quiz» интеллектуалды сайысы қатысушылардың қызығушылығын тудырды. Кітапханашылар топқа бөліне отырып берілген уақытта сұраққа жылдам жауап беріп, білім деңгейлерін көрсетті. Бұл зияткерлік ойын оқырмандардың үнемі ізденісте болуына, білім көкжиегін арттыруына ықпал етеді.
Семинардың мақсаты оқу сауаттылығын арттыру, шығармашылықты дамыту, балалар оқуының басшылары арасында іс-тәжірибе алмасу болды.
