«КІТАПХАНА+ТЕАТР» жобасы аясында кітапхана қызметкерлері өз оқырмандарымен бірге «Ұртоқпақ» ертегісін тамашалады.
Осы жолғы кездесуде кішкентай оқырмандар өздеріне бұрыннан таныс «Ұртоқпақ» ертегісінің сахналық қойылымын тамашалап, кейіпкерлердің қолынан сыйлыққа кітаптар алуы – бүлдіршіндерге ерекше көңіл-күй сыйлады. Театр актерларының бар ықылас-ынтасымен ұсынған тамаша қойылымы кітапханамыздың кішкентай оқырмандарына алдағы уақытта да кітапты көбірек оқып, ертегі әлеміне саяхаттауға әсер етеді.
Сондай-ақ, театр көрермендері мен кітапхана оқырмандарына арнап әртүрлі жанрдағы ертегі кітаптары топтастырылған көрме таныстырылып, балалар қойылымнан кейін де өздеріне ұнаған кітаптарын үйлеріне алып оқуға мүмкіндік алды.
